Selva
La Selva Kataluniako ipar-ekialdean dagoen eskualde kostaldekoa da. Administrazio espainolari dagokionez udalerriak Gironako -nagusiki- eta Bartzelonako probintzien artean zabalduta daude.
151.477 biztanle zituen 2006an, 26 udalerritan banatuta. Santa Coloma de Farners herriburua da, udalerririk populatuenak Blanes eta Lloret de Mar badira ere.
Mugakideak
Iparraldean Garrotxa, hegoaldean Maresme, Valles Oriental eta Mediterraneo itsasoa, mendebaldean Osona eta ekialdean Gironès eta Baix Emporda eskualde mugakide ditu.
Udalerri nagusiak
- Blanes: 32.926 biztanle (2002).
- Lloret de Mar: 23.424.
- Santa Coloma de Farners (hiriburua): 9.396.
- Arbucies: 5.416.
- Vidreres: 5.287.
Costa Brava
Eskualde honetan zabaltzen da Costa Bravako zati ezagun bat. Tossa de Mar udalerrian Santa Maria de Llorell, El Reig, Gran de Tossa de Mar eta Mar Menuda hondartzak daude. Lloret de Mar-en, bestela, Sa Boadella, Treumal, Fenals, Cala Canyelles, Santa Cristina, Sa Caleta eta Platja de Lloret. Eta Blanesen, azkenik, S'Abanell, Blanes, Punta de Santa Anna, Treumal eta Cala de Sant Francesc.
Pertsona ezagunak
- Jaume Ferrer de Blanes (1445-1523), itsasgizona.
- Antoni Palau i Verdera (1734-1793), botanikaria.
- Salvador Espriu (1913-1985), olerkaria.
- Quim Torra (1962-), politikaria.
- Carles Puigdemont (1962-), Kataluniako Generalitateko 130. presidentea.
Ikus, gainera
Kanpo estekak
- (Katalanez) Selva eskualdeko kontseiluaren webgune ofiziala
- Datuak: Q12778
- Multimedia: Selva (Catalonia) / Q12778
Kataluniako eskualdeak | ||
---|---|---|
Alt Camp • Alt Empordà • Alt Penedès • Alt Urgell • Alta Ribagorça • Anoia • Bages • Baix Camp • Baix Ebre • Baix Empordà • Baix Llobregat • Baix Penedès • Baixa Cerdanya • Barcelonès • Berguedà • Conca de Barberà • Garraf • Garrigues • Garrotxa • Gironès • Maresme • Moianès • Montsià • Noguera • Osona • Pallars Jussà • Pallars Sobirà • Pla de l'Estany • Pla d'Urgell • Priorat • Ribera d'Ebre • Ripollès • Segarra • Segrià • Selva • Solsonès • Tarragonès • Terra Alta • Urgell • Arango harana • Vallès Occidental • Vallès Oriental |