Otalora dorretxea

Artikulu hau Aretxabaletako Aozaratza auzoko dorretxeari buruzkoa da; beste esanahietarako, ikus «Otalora».

Otalora dorretxea
Eraikitako euskal ondasun nabarmena
Irudi gehiago
Kokapena

Herrialdea	Euskal Herria
Probintzia	Gipuzkoa
Udalerria	Aretxabaleta

Koordenatuak	43°01′38″N 2°29′40″W / 43.0272345°N 2.4944866°W / 43.0272345; -2.4944866

Historia eta erabilera


Eraikuntza	XIV. mendea -
Arkitektura
Estiloa	pizkundetar arkitektura Barrokoa
Ondarea
EJren ondarea	20

Otalora dorretxea Gipuzkoako Aretxabaleta udalerriko Aozaratza auzoan dagoen dorretxe bat da. Hain zuzen ere, auzo horretara iritsi baina piska bat aurretik, errepidearen eskuinera dago. Ez da Aretxabaletako herrigunean dagoen izen berdineko Otalora jauregiarekin nahastu behar.

Historia

Otalora familiak bazituen harremanak Espainiako errege familiarekin eta Karlos I.ari eta haren seme Filipe II.ari emandako zerbitzuengatik Sancho de Otalora jaunari hainbat opari egin zizkioten^[1], tartean Zeraingo Aizpeko burdin meategia eta Otaloran dorretxea eraikitzeko baimena. Erdi Aroan babes funtzioa galdu zuenean jauregi bihurtu zen.

Dorretxeak antzinako dotoretasun eta sendotasuna mantendu du: armarria, zelataleku errenazentista, teilatu bikaina, harginlana, ate eta leihoetako erremateak, gezi-leihoak eta abar. Euskadiko Kutxak erosi eta gaur egun Ikasbide erakundearen egoitza da, Ikasketa Koperatiboen Zentrua delakoa.

Arkitektura

Muino baten gainean dagoenez eraikinak bi alderdi ondo bereiziak ditu: alde batetik etxea eta bestetik babes dorrea.

Eraikinaren alde interesgarriena aurrealdea da. Erdi erdian, sarreraren gainean, Otalora eta Aiala-Galartza familien armarri handia dago. Eskuman, leihoaren azpian armarri inperiala ere badu, familiak zuen boterearen erakusgarri. Fatxadaren ezkerraldean dauden leihoak eta balkoiak fintasun handiko moldurez apainduta daude, pizkundeko estiloan^[2]. Balkoia inguratzen harlanduzko kasetoiak daude eta alboetan idulkia duten bi zutabe dotore ditu.

Hegoaldeko fatxadan solairu nagusian egurrezko korridore bikaina du, eraikinari jauregi itura ematen diona.

Iruditegia

Otalorazelaitik
Otalora dorretxea, atzean Kurtzebarri mendia.
Otalora dorretxea.
Sarrerako armarria.
Aretxabaleta-Urkulu bidegorritik

Erreferentziak

↑ User, Super. Otalora Dorretxea (Aretxabaleta). (Noiz kontsultatua: 2017-09-09).
↑ Ondare historikoa — Aretxabaletako Udala. (Noiz kontsultatua: 2017-09-09).

Kanpo estekak

Autoritate kontrola	Wikimedia proiektuak Datuak: Q20492545 Multimedia: Otalora dorretxea / Q20492545 Liburuak: Euskal Herriko bidaia-gida/Ibilbideak/Eleizgarai bidea (Aretxabaleta)