Miquel Barceló

Miquel Barceló
Irudi gehiago
Bizitza
Jaiotza	Felanitx, 1957ko urtarrilaren 8a (67 urte)
Herrialdea	Espainia
Hezkuntza
Hizkuntzak	katalana gaztelania frantsesa
Jarduerak
Jarduerak	margolaria, eskultorea, zeramikaria, grabatzailea, artista grafikoa, artista bisuala eta ilustratzailea
Parte-hartzailea documenta 7 (en)
Lan nabarmenak	ikusi Q2997930 Q3532359 Q3538516 Gran Elefant dret (en)
Jasotako sariak	ikusi Arteetako Asturiasko Printzesa saria  (2003) Gold Medal of the Balearic Islands Community  (2000) honorary doctorate of Pompeu Fabra University  (2012) honorary doctorate of the University of Salamanca  (2017) honorary doctorate of the University of the Balearic Islands Sant Jordiren gurutzea  (2020)
Izengoitia(k)	Barcelo, Miquel
Genero artistikoa	espresionismoa

Miquel Barceló (Felanitx, Mallorca, 1957ko urtarrilaren 8a) espainiar margolaria da.

Palmako Dekorazio Arteetako Eskolan eta Bartzelonako Arte Ederretako Eskolan ikasi zuen. Gero, Taller Lunatic arte kontzeptualeko taldean sartu zen, Mallorcan. 1976an, haren margolanak bakarrik biltzen zituen lehen erakusketa antolatu zen, Palmako Arte Museoan. 1981ean Sao Pauloko bi urtez behingo erakusketan parte hartu zuen, 1982an Kasselgo Dokumenta erakusketan, eta 1985ean Parisko bi urtez behingo erakusketan Espainia ordezkatzeko aukeratu zuten. Harrezkero, Europako eta Estatu Batuetako museo eta galeria nagusiek erosten dituzte Barcelóren koadroak. Erakusketa ugari egin ditu, batzuk oso areto ospetsuetan, hala nola Parisko Lambert galerian eta New Yorkeko Leo Casteli galerian. 1986an Bartzelonako Loreen Azokako kupula dekoratu zuen, Udalak eskaturik. 1986an Arte Plastikoen Sari Nazionala eman zion Espainiako Kultura-ministerioak. Operako eszenografia lanetan ere aritua da (besteak beste, Manuel de Fallaren El retrablo de Maese Pedrorako, Parisko Opera Komikoaren Antzokian). Lehorreko natura zein itsasokoa da Barcelóren obretako gai nagusia. 2003. urtean, Principe de Asturias de las Artes saria irabazi zuen. Margo-geruza lodiz egiten ditu bere margolanak, erliebe efektuak lortzeko. Gaur egun, espainiar margolaririk kotizatuenetariko bat da.

Erreferentziak

Wikimedia Commonsen badira fitxategi gehiago, gai hau dutenak: Miquel Barceló

• Datuak: Q561930
• Multimedia: Miquel Barceló / Q561930