Laurence Ostolaza

Laurence Ostolaza
Bizitza
Jaiotza	Donibane Lohizune, 1967ko maiatzaren 27a (57 urte)
Herrialdea	Lapurdi, Euskal Herria
Hezkuntza
Hizkuntzak	frantsesa
Jarduerak
Jarduerak	kazetaria eta berriemailea
Enplegatzailea(k)	Sud Ouest
Sinesmenak eta ideologia
Alderdi politikoa	Union pour un Mouvement Populaire

Laurence Ostolaza (Baiona, 1967ko maiatzaren 27a -) emakumezko kazetari lapurtarra da, batez ere telebista munduan aritu dena. Donibane Lohizunen bizi da.

Ikasketak

Donibane Lohizuneko San Tomas Akinokoa lizeoan ikasi zuen. Bertan Anne-Sophie Lapix eta Sandrine Mendiburu ibili ziren ikasle.

A2 Batxilerra 1986an amaitu eta gero Bordelera jo zuen Letra ikasketak egitera.

Ibilbide profesionala

Hedabideen mundura hurbildu zen: Sud Radio, Sud Ouest, Akitaniako France 3.

1990eko hamarkadaren erdialdetik TV5 zein France 2 telebistetan eguerdi nahiz gaueko albistegietako aurkezle lanak egin zituen. Denbora batez Antoine Cormeryrekin batera aritu zen aipatu bigarren telebista katean.

Osasun arloan espezializatua, 2006tik France 2n William Leymergiek gidatzen duen Télématin saioan osasunari buruzko atalaren ardura du.

Euskal Herrian

Ostolaza 2008ko udal hauteskundeetan kontseilari atera zen bere herrian.^[1] Michèle Alliot-Marie burua zuen eta Peiuko Duhart berriro auzapez bihurtu zuen zerrendako kidea izan zen.
Marie Etxegoien argazkilari donapaleutarrak nabaritzeko moduko Ipar Euskal Herriko zortzi andrazkoren artean sartu zuen lohizundarra.^[2]