Komandante uharteak
| Komandante uharteak | |
|---|---|
 | |
| Bertako izena | Командо́рские острова́ |
| Geografia | |
| Kokapena | 55°N 167°E / 55°N 167°E / 55; 167 |
| Azalera | 1.846 km² |
| Politika | |
| Herrialdea |  Errusia |
| Kamtxatka kraia | |
| Hiri populatuena | Nikolskoie |
| Gizartea | |
| Biztanleria | 613 (2009) |
| Talde etnikoak | Errusiarrak, aleutak |
Komandante uharteak edo Komandorsk uharteak[1] (errusieraz: Командо́рские острова́, Komandorskiye ostrova) Asiako ipar-ekialdeko uharte multzo bat dira, Bering itsasoaren hego-mendebaldean, Kamtxatka penintsulatik 175 km ekialdera kokaturik daudenak. Uharte nagusiak Bering, Medny, Toporkov eta Ary Kamen dira, eta 1.846 km²ko eremua hartzen dute guztira. Administratiboki Errusiako Kamtxatka kraiaren barnean daude.
Klima hotza da (10 °C abuztuan eta -4 °C otsailean). Vitus Bering komandante errusiarrak aurkitu zuen uhartedia eta han hil zen 1741. urtean. Haren omenean jarri zitzaien uhartei Komandorsk izena eta itsasoari zein itsasarteari Bering izena.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2014/02/17 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ Lur entziklopedietatik hartua.
Kanpo estekak
- (Errusieraz) Uharteei buruzko informazioa Beringisland.ru
| Autoritate kontrola |
|
|---|
Datuak: Q208268
Multimedia: Komandorski Islands / Q208268
